Back دلالة الحائرين Arabic Пътеводител за заблудените Bulgarian Guia de perplexos Catalan Moré Nevukhim Danish Führer der Unschlüssigen German The Guide for the Perplexed English Guía de los Perplejos Spanish Alderraien gidaria Basque دلالة الحائرین Persian Guide des égarés French
Dr More Nevuchim (hebräisch מורה נבוכים, ursprünglig arabisch دلالة الحائري, Dalālat alḥā’irīn, dütsch Füerer vo dene, wo nid druschömme) isch s filosofische Hauptwärk vom middelalterlige jüüdische Gleerte Maimonides. S Original isch uf Judeo-Arabisch verfasst worde, s Wärk isch aber under sim hebräische Ditel More Nevuchim bekannt.
Es basiert uf dr jüüdisch-kalamitische Theologii und dr peripatetische-avicennische Filosofii und beziet Stellig zu grundlegende religiöse und filosofische Frooge. Es hätt in erster Linie sölle bewiise, ass die jüdischi Dradizioon dr Vernumfterkenntnis entspricht, wenn si richdig unterbretiert wird – also wemm mä Acht git uf die unvermiidbari Bildligkäit vo dr Sprooch, au vo dere in dr Bible.
S Wärk het e riisige Iifluss uf s Dänke vo dr jüüdische Noochwält ghaa und au muslimischi und christligi Filosoofe und Theologe häi s as Richtschnuer brucht. Under de Juude isch dr Maimonides vo orthodoxe Gegner heftig bekämpft worde („Maimonidesstrit”, „Antimaimuniste”), nit zletscht, wil si Versuech, d Bible mit dr Filosofii z versööne, as Wääg äwäg vo dr Bible und aane zur Filosofii verstande worde isch.